මේ කඳුලු බින්දුව

මේ කඳුලු බින්දුව මගේ නොවේ
එය ඔබේමයි

ඇඳ වියල ලඟ අඬ සඳින් දිදුලන
මළ තාරකාවක සිහින කැටි වුන
මේ කඳුලු බිඳුවේ අයිතිකාරිය ඔබ තමයි

හඬන්නට කිසිදා නොදැන සිටි මට
මලපොත කියා දී නොකියාම ගිය
මේ කඳුලු බිඳුවේ අයිතිකාරිය ඔබ තමයි

ගායනය - සුනිල් එදිරිසිංහ

රෝස කුසුමක්

රෝස කුසුමක් පිපී නොවිඳි සුවඳක් දැනේ
නොලද සුවයක් සදා පුබුදුවා සුවහසක් පැතුමන්
රෝස කුසුමක් පිපී

මා අවදි කර යහනින් ඔබ එබී හිනැහී කවුලුවෙන්
කියා රහසක් සැලෙන දෙතොලින් නොනැඟෙනා වදනින්
නොහැ‍ඟෙනා අරුතින්

ඔබේ සුවඳ ලද මොහොතින් සිත වෙලා සිටි ඒ ආදරෙන්
මගේ තනිකම හඬයි ඉකිබිඳ දෙපා මුල හැපෙමින්
වසා මුව දෝතින්

ගායනය - සුනිල් එදිරිසිංහ